Verse

 

 

s’Chuchi-Änni (SBB)

 

Wenn d’Polle flüge isch d’Frou

Schläfli ständig lut am niesse,

s’nimmt drum Medi das cha schaffe

und sis Läbe gniesse,

doch eines Tages ischs gäng müöd

bim schaffe aus missglückt,

s’het anschtatt s’Antiallergikum Schlofftablette gschlückt.

 

Luter Gwohnheit

 

Dr Ramel Erich schuttet gäng

am Zischtig i dr Haue,

go Dusche got är nächer Hei

wot’s eiget Bad versaue

deheime acho stoht e Frou

wo frömdi Hemli büglet,

ig Esu wohn jo gar nüm do

ha letschte Samschti züglet.

 

E grüene Dume

 

Sit dr Pangsionierig schnitt

der Urs vüu ne der Rase,

het dä dr Mäier y de Finger

ischs wie ne Ekstase,

sogar dr künschtlich Rase

überchunt vom Graf e Schnitt,

nur eis das sötsch üs gloube Urs

dünge muesch ne nit.

DRS

 

Wotsch zum schwizer Fährnseh

bisch vom Wallis isch das kuhl,

no besser ischs wenn sexuell

du dene seisch sigsch schwul,

Schawinski nit vom Wallis

wieso hei die dä de gno,

bim Schnurre sigs dr einzig wo

am Blocher mögi g’cho.

 

 

Im Auter

 

S’Summer Greti geit is Dorf

äs wot id Chrone goh,

het es chlises Hundeli

mit id Wirtschaft gnoh,

nach emne Chehrli geit si hei

gsättiget vom ässe,

mit 90zgi darf me sicher scho

dr Hung ir Beiz vergässe.

 

 

Diskussionen

 

Dr Rütsche und dr Fluri Koni

si am diskutiere,

du Arschloch, Dubbu, Idiot,

söü dir‘s buechstabiere,

das Vokabular isch chli hert

doch passts zu dene zwo

nur so bisch sicher dass die Beide ou si noche cho.

 

 

Aues Glösche

 

Fotoschuuting gits in Münche

vom Dach vom Reisebus,

Bachbumele si ou derbii

vier wie us eim Guss,

am Tag druuf fummlet Schläfli Jürg

am Apparat desume,

wird bleich seit: „ha dernäbe drückt

ke Foti isch meh ume.“

 

 

Dr Gips vom Fränzi

 

Bi Glattiis gheit d’Frou Brönnima

ufs Bei es isch kei Witz,

im Notfau meint dr Arzt zu Ihr:

„e Bruch das git e Gibs“,

nach vierne Tag bim Dokter Roth

wird gröngt dä gschpautnig Chnoche,

dr Bertrand meint schiess d’Krücke furt, das Bei isch gar nit broche.

 

Wüsten-Ort

 

Gaadafi muess us Lübye flüchte

s’Volk het vo ihm gnue,

är weiss nid rächt wo ane goh

niene hat är Rueh,

us sichrer Quelle isch bekannt

ir nöchi gits Asyl,

si hei es Stückli Wüeschti gfunge

ir Nochbergmein Chäswil. 

 

 

Usschaffigsiniziative (ei du schöne)

 

Dr Müller Heinz zaut d’Stüüre nit

mir alli säge das geit nit,

üs Luterbacher duet das Weh

denn wäg dr liebe SVP,

seit Gränche jetz mir wei di nüm

vo jetz a hei de anger s’Gschtürm.

 

Im Bahnwäg gits e moorts Ekla

denn die chöi ne retour ha.

 

 

Gelebte Ökomene

 

Dr Pfarrer Wäber macht es Füür

ar Oschtere vor Freisitztür,

es Oschterfüür isch doch dr Hit

aus Ökomen fiir ig do mit,

dr Bsuech wo chunt nit Oschterhas

d’Füürwehr hornet und git Gas.

 

Das Füür wird sofort liquidiert

und Wäbers Fleisch hüt nit grilliert.

 

 

Wo isch de das?

 

Scheidegger Phipu suecht

sis Gwehr

den är muess y Dienscht

zum Heer,

dä lütet de Kollege a

hesch Du mis Gwehr zum schiesse gha,

„Im Chäuer lueg“ s’Thesi verzöut

dört hesch es s’letscht mou anegschtöut.

 

Es Gwehr nüm finge das fallt schwär,

wo eeh no grösser isch als är.

 

Dr Meyer Dolf

 

Dr Meyer ma das nit verliede

d’Hoor si z’läng

die muesch abschnide,

är lütet am Andrea a

wäsche, föhne nimm mi dra,

am Termin sisch es Malör

landet dä bim fausch Coiffeur.

 

Wär d‘Hoor abschnitt isch mir egau,

Houptsach isch, es sig e Frau.

 

 

Rüetschli-Taktik

 

Dr Rüetschli Sepp

lost gäng ir Beiz

was brichtet wird was eine seit,

wenn Mischt verzöusch

bi ihm am Tisch

rüöft är am Frölein: „los jetz gisch,

däm es Iiklemmts

vüu Fleisch der zue

solang dä frisst ha ig mi Rueh“.

 

Vom Sepp es Sändwidsch würd mi störe

denn dä wot nur dis Glier nüm ghöre.

 

 

Im Lehrerzimmer

D’Vera sitzt sie het‘s bequem

und wet derzue es Café-Creme,

plötzlich eis Gschrei

es git e Glungge

es sueche au dr Abwäschlumpe,

y die Maschine het d‘Frou Held

s’Tassli verchert drunger gschtellt.

 

Wie ig das gseh duet d’Vera chräie,

chönnt me doch d’Maschine dräie.

 

 

Restaurant Post

(Coiffeur, Mani Matter)

 

Bim Roufi bin ig gsässe

weisch im Pöschtli z’Luterbach,

do het dr Bader Ändu

mit em Rütsche riese Krach,

dr Rolf, dr Held, üses Idol,

är chunt sofort cho z’rönne,

und rüeft sim Schatz los Maya tue

du die zwe doch trönne.

Är verzöut die gröschte Möcke

Fleisch würd är üs broote,

Pule, Steks und Hammelfleisch

das täti ihm scho groote,

mir hei das bschtöut, si ganz

fruschtriert, das isch eifach gemein,

alles chunt püriert sit är

no chocht für’s Altersheim.

 

Näbscht suufe chas ou

Glücksschpöu si im Casino

zur Poscht,

im Winter tüe si würfele

die si doch nit bi Troscht,

im Summer do geits rächt zur Sach s’wird ghämmeret um d’Wett,

im drüedrissgi wird s’ganz Johr

gnagelet im Bett.

 

Dr Jürg, dr Helmut und dr Rolf,

das si Nagler-Fän,

sitze duss und schwätze z’Nacht

für eine isch das Lärm,

d’Polizei wird alarmiert

und tuet die drei verhafte,

dr Richter seit:„isch kes Problem

das Gschnur das muesch verchrafte“.

 

Im Pöschtli isch‘s gäng luschtig

denn am meischte lacht dr Wirt,

dermasse lut dass uf em Büffet s‘Gschirr scho langsam klirrt,

und git‘s de nüt zum schmunzle

eifach keini luschtge Sache,

het’s dä guet, är luegt y Spiegu

und cha wieder lache.

 

Am Fürobe fahrt dr Roufi

mit em Velo Richtig hei,

bim Chrüz um Kurve gschpüürt

är scho sini schwääre Bei,

är chunt is schtrouchle, fahrt id Muur,

het d'Füess nid richtig glüpft,

cha nüt derfür, ig bis nid gsi,

dr Alk dä het mi gmüpft.

 

So loufts im Pöschtli Tag für Tag

dr Beizer isch guet druffe,

muesch Jägermeischter, Matterhörni, Äntebüssi suffe,

hät dä Beizer nit sis Maya

wo hie und da beschützt,

de wär dr Rouf dr nöchscht Insass

vom Hotel Blaue Chrütz.

Dr Bundesrot (hei cho)

 

Dr Muurer blibt bim VBS

chunt dört nümm is schnuufe,

s’Militär, das isch si Wält

ihn chasch süsch nid bruuche,

d’Calmy-Rey bim EDA

dört bliibt aus bim Aute,

wenn sie reist nach Irgendwo

chöi se die grad bhaute.

 

ab y Waud,

göt doch, göt doch, göt doch, göt doch, göt go wäudele,

dä Bundesrot isch eifach z’aut,

mir schicke ne y Waud.

 

D’Simonetta vor Juschtiz

s’Gsetz das könnt die nit,

wenn me d’Urteil aube liest

si d’Richter ou sowit,

Didier seit, Viagra söu

d Chrankekasse zahle,

das git sicher Manne-Schtimme

bi de nöchschte Wahle.

 

ab y Waud,

göt doch, göt doch, göt doch, göt doch,göt go wäudele,

dä Bundesrot isch eifach z’aut,

mir schicke ne y Waud.

 

Schneider-Amman macht ir Wirtschaft keini grosse Gschichte,

är schriibt lieber Memos und

verschteckt sich hinger Brichte,

dr Doris Leuthard, ihre schteit

die ganz Volkswirtschaft quer,

si het gseit: „jetz hätt ig gärn

es bitzli meh Verchehr“,

Finanze macht nun d’Widmer-Schlumpf mir chöi euch betüüre

eui Schpände wärde mir

….. trotzdäm nid verschtüüre.

 

ab y Waud,

göt doch, göt doch, göt doch, göt doch, göt go wäudele,

dä Bundesrot isch eifach z’aut,

mir schicke ne y Waud.

ab y Waud,

göt doch, göt doch, göt doch, göt doch,

göt go wäudele,

dä Bundesrot erträg ig nüm,

ou nit y däm Koschtüm!

 

S’Chrüz (d’Füchsli)

 

Wo mir no jung si gsi

im Chrüz hei mir üs troffe,

hei Nächte lang dört gjasset

dr Schnaps vor Ort usgsoffe,

dr Fleischsalat vor Marta Graf

sensationell,

nur s’Pissuar vo dr Beiz

het gschtunke kriminell,

 

urgmüetlech isch es gsi (pfeiffen)

hei denne gmeint im Chrüz do wärdis immer e so sii,

worum worum worum worum worum worum worum

isch die Beiz jetz zue.

 

 

Mir hei dr Ritschard gfiiret

i de Beize z’Luterbach,

do chöme d’Leisi-Giele

und mache riiese Krach,

dr Meck cha das nid ha

schloht se i Grund und Bode,

die arme Cheibe hei nüm gwüsst

wo unge, wo isch obe,

 

doch glii isch fertig grouft (pfeiffen)

dr Graf Sepp het sis Chrüz,

eim wo Vogu heisst verchouft

worum worum worum worum

worum worum worum

isch die Beiz jetz zue

 

 

Dr Umbou, dä isch fertig

es isch e nöii Beiz,

doch es isch nümm s’gliiche

es fäut dr bsunger Reiz,

dr Schnori-Boy-Franchini

het sini Finger dinn,

s’Pissuar isch jetz besser

derfür isch d’Chuchi schlimm,

 

d’Anka schaffet haut (pfeiffen)

bis si chunt cho z’trippele

isch’s ässe wieder chaut.

worum worum worum worum

worum worum worum

isch die Beiz jetz zue.

 

 

 

Die Beiz het schpöter no

Froue gha mit Scharm,

bir Irene und bir Meggi

wird’s ums Härzli warm,

doch nächär chunt dr Scheriff

är het vor auem gritte,

und mir aui hei

unger sire Chuchi glitte,

 

het d’Chuchi nümme gfunge (pfeiffen)

dr Jutzeler hets schaffe haut, würklech nid erfunge.

worum worum worum worum

worum worum worum

isch die Beiz jetz zue

 

 

Nachem Roli chunnts no besser

dir dörft jetz nid lache,

e Wirtin tuet mit Shorts

am Bierzapfhahne schaffe,

bi Büchels macht me säute

schtungelangi Rascht,

bisch nid immer sicher

ob glaade bisch aus Gascht,

 

d’Bar und d’Chuchi chaut (pfeiffen)

chunt nid drufa de schliesse mir

dr ganzi Lade haut.

worum worum worum worum worum worum worum

isch die Beiz jetz zue.

 

 

Es Huus für Drogechranki

isch es jetze hüt,

vüu verändret het sich

gäge früecher praktisch nüt,

Vouni hets um d’Hütte

sit jehär immer gha,

und d’Nachtrueh wird nid besser

wäg de Glogge näbedra,

 

nur d’Farb do weisch potz blitz.(pfeiffen)

s’git nüt me z’suufe z’Luterbach

im Hotel Blaue Chrüz.

dorum dorum dorum dorum

dorum dorum dorum

schpöuts ke roue isch die beiz jetz zue

 

jetz isch si zue!