Verse

 

 

 

Isch’s zum ässe? (SBB)

Cevapcici und no Kebab,

Durmaz oder Sandvic

sgeit witer mit Djuvec, Mocan,

Lahmacun und Kesidic

wenn meinsch das chönt me ässe

bisch du eifach nit vom Fach

das isch d’Ufstellig a de Mätsch,

vom FC Luterbach.

 

dr Jörg Toni

Bim Rasemähier wot dr Toni

luege obs no dräit

s’Mässer meine mir, hoppla,

scho ghörsch wie eine chräit

wenn das Mässer gäng no louft, verrecksch vor Schmärz haut schier

und bschtöusch vo den a nie meh,

ir Beiz ufs mou füif Bier.

 

Computer-Problem

Dr Moser Hans het sit paar Wuche

eis Proplemli meh

si Arbeitplan chunt via Internet

uf si PC

wie goht äch das, wo muess ig drücke, d’SBB si Affe

„Trudi“ chum sofort und säg,

ob ig morn muess schaffe.

 

Ritter der Strasse

Dr Bärtschi gseht’s, was mache die,

es Rönne uf dr Stross

die heb ig uf, stöut s’Outo quer,

im Dorf bi ig dr Boss

dr Charre z’kurz, verbi wird grast,

me ghört ne noche tobe

sis Outo het nit s’gliche Mäss,

wie sini Garderobe.

 

 

E riese Hamme

Dr Helmut wird bim Jasse erscht,

im FC-Hüsli unge

doch d’Hamme nimmt är lieber nit,

für zwöi isch das doch gschpunne

am angre Tag seits d’Frou zu ihm,

du luegsch de wäg em trinke

ig bstöu für mis Geburtstagsfescht,

e schöne hingre Schinke.

 

 

Z’vüu Promill

Dr Frischknächt Reto nimmt sis Fahrrad, wot mit däm a Matsch

hätsch s’Outo wär drum s’Bilett wäg,

im Dorf e riese Knatsch

uf d’Schnörre gheit är mit däm Ding, würsch haut gschieder loufe

e Hick im Gring, e Zang defekt

und s’Velo muesch früsch choufe.

 

 

No e Rundi

Am runde Tisch ir Chrone,

hocke d’FC-Veterane

dr Ryser rüeft am Service,

Erika chum mou do ane

und bring no rasch e Rundi Stange,

uf Bier düö mir doch blange

s’Erika seit „gloube fasch,

mir hei nur rundi Stange“.

 

 

Nüt ghört

E kei Skandau, kei Putsch, kei Droge, d'Finanze schtimme ou

ke Mobbing und ke Schtaatsaffäre,

jede het si Frou

alles isch ganz ordentlech,

mir si würklech baff

mir chöi hür gar nüd singe

über Deitige, das Kaff.

Nüm dra dänkt (ei du schöne)

Dr Eichebärger Heinz schisst’s a

dr Husschlüssu deheime gla

jä jetz, ig schlo e Schiebe y

dur’s Fänschter chunsch is Hus de dry

dr Hammer gheit ihm us dr Hang

sis Lavabo isch ou abnang.

 

Dr Resärvschlüssu – chunnt ihm y Sinn

ir Schitterbiegi – wär dä drinn.

 

E chli niedisch

S’nöie Rössli es isch toll,

das zieht Lüt a isch gäng voll

erscht rächt wenn no ein Musig macht

e gratis Wurscht gloub säuber gmacht

dr Chrone-Pole lit us em Fänschter

wo isch mi Chuntschaft das si Gängschter.

 

E gratis Wurscht vermag y nit

Karin derfür mach du e Strip.

 

Aues klar

Was meine mir mit aues klar

sis d’Wahle die vom letschte Jahr

oder meine mir äch’s H2O

wo klar söt si do sowieso

s’einzig wo klar isch merksch’s bim suffe

s’Bier isch wieder es zwänzgi ufe.

 

Bschtöusch Bier ir Beiz glich weli Sorte

bis hesch isch das scho türer worde.

 

Usegschperrt

Dr Bindt Rouf macht e schöni Tour

fahrt zrug, zieht ab si Töffmontur

hänkt s’Kombi uf macht s’Garasch zue

dr Husschlüssu o scheiss, ig Chue

dä steckt jo no är ma sich bsinne

im schwarze Läder kombi inne.

 

Dr Rouf macht ganz e schlächti Pose

stoht vor dr Tür y Ungerhose.

 

Rütsches Hüng

Am Rütsche isch dr Hung furt gloffe

ir Chrone gsuecht nit dört, är bsoffe

e Aaruef chunnt me het ne gfunge

bim Brunner Heinz im Schache unge

dr Rütsche packt Kischte für Katz

ig schtoss ne dri dä het scho Platz.

 

Rütsche dänk dra mit Sorgefalte

Süüfer tüe si im Schache bhalte.

 

Dumm gange

Dr Aerni Chrigu wet gärn ritte

bim Laschtwage Bifahrersite

stigt y und hänkt blöd mit em Schue

am Löscher y fertig isch d’Rue

dä Inhaut sprützt dr Chrigu stöhnt

is Fahrerhus obwou s’nit brönnt.

 

Dr Fahrer fluecht das wird de tüür

wenn lösche duesch ganz ohni Füür.

 

Im Waudhus

S’Schärlig Brigitt het es Fescht

Guggermusig si ihri Gescht

am angre Tag no Bier im Brunne

die hei nüt trunke dasch doch gspunne

die Chischte duet’s i Käsi bringe

und Bürgergmein kes Znüni finge.

 

Dr Lüthi Hampe chas nit verstoh

ig ha doch s’Bier i Brunne do.

 

S’Zuber Uschi

Schtöut s’Outo zum Somaini Franz

Pneu machsch Du druf wenn möglich ganz

dä lütet gli druf abe a

he Uschle los wie söu das ga

dr Schlüssu lit zwar ir Karosse

doch du Dotsch hesch’s Outo bschlosse.

 

Uf d’Sunnebländi s’Verschteck wär rächt

wenn Türe bschliessisch isch’s de schlächt.

 

Adväntszyt bis Mosers

Dr Ueli het schön dekoriert

e Rönntierschlitte installiert

am 1. Advänt chunts de cho blose

dr Schlitte schwankt är schisst y d’Hose

he Gisi lueg d’Rönntier, die zwo

seckle üs bigott dervo.

 

Springe nit wyt, kei grosse Schade

jetz hange die haut ar Fassade.

 

www.bürgergmein

Dr Fluri Oski riebt ar Glatze

im räschte Hoor drinn ume Chratze

die Bürgergmein schriebt ou a Sach

e Download gäbs vo Luterbach

und www was isch das was?

wer/ weiss/ weiter, heisst gloub das.

 

w w w, isch haut modärn

und üse Oski gloub vo färn.

 

Aute Mischt

Mi Stoubsuger isch gloub kaput

was wotsch, de schiess ig dä haut furt

und wenn dr Bäse nüm wot wüsche

de choufsch dr haut e ganz e Früsche

im Bundeshus git’s eis gestocher

wächsle die dr alti Blocher.

 

für's aute Ding und das geit schnäu

git's es neus Bündnermodäu.

 

 

Uf drüne Rad

Dr Rütsche het sit letschtem Johr

e nöii Frou, jä jetz, sisch wohr

am Fescht derbi dr Luschtebärger

und Schwauer’s Hugo das git Ärger

für d’Heifahrt wird vom Fahradies

es Velo klaut dasch zimlich fies.

 

Mit 2 Promill zieht Hugo d’Spur

und breicht so zimlich jedi Mur.

 

Drü Rad het’s Velo, zwöi vorn, eis hinge

süsch hätte beid verschlagni Gringe.

 

 

Verwächslet

S’Rössli Heidi het e Hung

go loufe geits im Tag e Stung

schiesst Chneble furt die hout dä gäng

no mou e Wurf und läär si d’Häng

s’letschte wo flügt s’fluecht oni Ändi

mir fäuts im Gring dasch jo mis Händy.

 

im höche Boge ganz ohni Krach

landet das mitt’s im Bach.

 

 

E plötzlichi Hyrot (Verdammt ich lieb dich)

S’Silvi dänkt, sisch nit normau

bi gäng elei, mir nit egau

und ou scho, 40i gsi.

 

Do lütet grad, dr Hügu a

s’Silvi dänkt, das wär e Ma

los Hügu, liebsch mi chli

säg doch jo und ig fröie mi uf di.

 

Verdammt ich lieb dich,

ich lieb dich nicht,

verdammt ich brauch dich,

ich brauch dich nicht,

verdammt ich will dich, ich will dich nicht,

ich will dich nicht verliern.

 

Dr Hugo lost, isch ganz perplex

jä guet ig bruche, ou mou sex

das wär e, gueti Idee.

Und schliesslich könn di nit sit färn

und ha di würklich, scho chli gärn

verzöu mir no chli meh

chum zu mir, ig wet di wieder gseh.

 

Verdammt ig bruches, wieder mou,

verdammt ig bruche, e schöni Frou,

verdammt los Silvi, bi jetz vuü schlauer

wird doch d’Frou vom Schwauer.

 

Dr räscht vor Gschicht,

isch schnäu erzählt

die zwöi si gli, scho früsch vermählt

im Rössli es riesigs Fescht.

Dr Hugo strahlt, ig bi e Ma

und ha sogar, d’Grawatte a

und wet gärn mit Dir is Näscht

doch im Rössli do hets e huufe Gäscht.

 

Verdammt ich lieb dich,

ich lieb dich nicht,

ich möchte bumsen,

doch ich kann nicht,

geht jetz nach Hause, ich werde muff,

sonst gehe ich ins Puff.

 

Verdammt ig bruches, wieder mou,

verdammt ig bruche, e schöni Frou,

verdammt los Silvi, du hesch di Reiz

und ig e Frou für Beiz.

 

 

Doping (Mani Matter, s’Zündhölzli)

Dr Bau isch mängisch bi ihre dinn

dr Bau isch mängisch bi ihre duss

wenn d’Hinngis ihres Mätschli spüut

chunsch jo zwüschine gar nüm druss

mit ihrer blöde Zürcherschnorre

bläred si üs mittz i d’Ohre

ha nit Kokset ha nit Dopet

ha kei Epo inne gschopet.

 

Ou ar Tour de France do fahre

au mit hundert uf e Bärg

füöusch di nüme guet sisch glich

es git jo Mittu, scho bisch zwäg

spöter wird am Fährnseh gränet

die angre hei mir’s inne zwänget

ha doch blos es bitzli trampet

nur der Dokter dä het gschlampet.

Und ou d’Frou Jones die secklet 100 Meter

masch chum noche luege

springt die näbe duure muesch

dis Tupe irgend wo go sueche

doch dä Turbo sisch doch klar

louft nur mit Doping wunderbar

die schnöuschti Sprintere vor Wäut

brucht Kohle nur no für d’Awäut.

 

 

Ou d’Mannschaft vor Alinghi isch

nit ganz so luperein im Sport

eine heig es bitzli Kokset

wo dört gsäglet isch an Bord

s’einzig wo nit Dopet het

isch gloub de s’Boot e jedi Wett

und dr Luft heig ou nit bschisse

ohni Koks Zägu verrisse.

 

 

Dr FC Thun duet anstatt z’Dope

bi de Froue ume Moppe

y de Träning nit so dra

luege geili Füdle a

i dr Duschi nit nur Manne

ou e Frou sig blibe hange

nach de Mätsch do würd’s üs dürschte

die gö lieber chli go Bürschte.

 

 

Dir Sportler loset jetze zue

es isch doch nit so cheibe schwär

mir wei suberi Athlete

ohni Doping, gät üs Gwähr

süsch luege mir drum anstatt Sport

im TV nur no Wärbespot

mit Ovo hesch kei Hänger

chasch’s nit besser, aber länger.

 

 

 

 

Dorfpolitik(d’Füchsli)

Wo mir no chli si gsi

het’s no öppis gäh wie schtouz

d’Gmeinröt vo früecher

si gsi us angrem Houz

wenn sie mou hei entschiede

de chasch se nid abbringe

d’Höufti die isch bleich disi hei rot Gringe

hüt isch das nümm so (pfeiffen)

hüt luegt e jede zerscht, uf s’eigete Ego

worum, worum …

hei die s’Gfüehl mir sige dumm.

Im Flugblatt inne schteit

üsi Umwäut nämi Schaade

mit Gschtank und Lärm und Schtoub

sigis Dorf überlaade

das wüsse mir scho lang

üs isch nümm zum lache

drumm hei mir öich jo gwäut

dir söttet öppis mache

nur schnure chöi mir ou (pfeiffen)

vo öiem nüt tue hei mir jetze d’Nase vou

worum worum

hei die s’Gfühl mir sige dumm.

 

S’wohne im Auter das isch e riise Sach

dr Lehme Rouf vor FL

dä macht Füür im Dach

das Land wott är verschärble

d’Chöle ufbewahre

die Aute chöi vom Schaffe

diräkt i Friedhof fahre

früecher ir CVP (pfeiffen)

nuelet jetzt mit Wonne

im FL-Komitee

worum worum

het dä s’Gfühl mir sige dumm.

 

Luterbach isch im Advänt

im Liechterglanz erschtrahlt

für öppis hei mir schliesslech

üsi Schtüüre zahlt

für Schöns hetts ke Gäud meh

Kultur und söttig Sache

dr Gmeinrot schiesst das Gäud

de Aawäut mittz i Rache

jetz isch es haut sowit (pfeiffen)

e Boum im Glanz

das git e Tag Jurischte-Zyt

worum worum

hei die s’Gfühl mir sige dumm.

 

In Luterbach wär’s wohne

eigentlech e Hit

doch i dr Politik

zieh nid au am gliiche Schtrick

rouffet öich mou zäme

machet sachlech Politik

nume König schpiele

das bricht eim schnäu mou s’Gnick

Wahle si scho glii (pfeiffen)

und schnäu isch’s mit regiere

ou bi üs verbii

dorum dorum

gloubet, mir si nid dumm

nid so dumm !!!